GINPADLAKAN | Blyzer Trading warehouse kag store kag ginpasara sang BIR

BACOLOD CITY – Indi magnubo sa P4M ang sulukton sang Bureau of Internal Revenue (BIR) sa Blyzer Trading nga may ara sang warehouse kag store sa Barangay 9, Libertad kag Sum-ag.

Ginpangunahan ni BIR Regional Office 12 Director Eduardo Pagulayan ang pagserbe sang Closure Order upod man ang mga katapo sang BIR Revenue District Office 77 las 3 subong nga hapon.

Gin-atubang si Pagulayan ni Charles Pinto, bata sang tag-iya nga si Antonio.


Si Charles ang isa ka half-Chinese kag nakapangasawa sang isa ka Intsik.

Mga 2003 pa sila naganegosyo sa diin nagakuha sila sang stocks sa Metro
Manila kag ginapadala lang via courier.

Ginastock nila ini sa ila warehouse sa Barangay 9 kag ginabaligya sa ila mga stores sa Libertad kag Sum-ag.

Kalabanan sa ila ginabaligya mga dry goods gikan sa China kaangay sang hampanganan, RTWs, household and beauty products kag mga antenna sang TV.

Violations sang Blyzer Trading amu ang misdeclaration ukon indi pagdeklara sang insakto sang iya nga income kag wala naga-issue sang Sales Invoice ukon resibo.

Temporaryo ini nga siraduhan samtang wala pa sini ma settle ang ila balayran sa gobyerno.

Facebook Comments