“GINSUGO AKO NI MOMO” | Bata sa Iloilo ginpuhag ang kapulisan bangod sa ‘Momo Challenge’

ILOILO City – Bangud sa momo challenge, mga pulis sa Iloilo nag kinaran-karan tungang gab-i asta mag aga agud irescue ang mga kabataan santo sa panugdaun sang 15 anyos nga si alias Nonoy.

“Ginsugo niya ako nga madalagan sa malayo nga lugar kag magpalipong- lipong pag abot sa balay, kay kon indi pagtumanon mapatay ako okon mag-suicide”ini ang gintuad sang 15 anyos nga si Nonoy.

Una diri, ginpahayag ni Nonoy nga ginpasakay siya sa isa ka van halin sa distrito sang Arevalo kag gindala sa isa ka balay sa banwa sang San Miguel sa diin may nakita siya nga lima pa ka mga menor sa sulod sang van kag nagahilibion.


Sa exclusive interview sang RMN Iloilo sa kay alyas Nonoy ginkulbaan siya sa posible matabo sa iya matapos nga nagapakig-chat sa Momo application sa iya pinaagi sa internet.

Ginsugo sya ni Momo nga magdinalagan kag magpa lipong-lipong, mag ubra sang istorya nga may mga bata ginkarga sa van kag gindala sa safe house nga may mga armado nga tawo. May nakita pa sya kuno nga kidney nga napreserve patimaan nga daw mga sindikato sa organ harvesting ang nagkuha sa ila.

Bangud sini, jalin alas dose tubtob kaina alas siete sang aga, ginlughot sang mga pulis ang ginatudlo safe house. sang ulihi, nag ako ang bata nga indi ini matuod tanan bangud sugo lang ini sa Momo challenge.

Gin-ako ni alyas Nonoy nga napilitan siya nga magbutig bangud sa possible matabo sa iya bangud sa ginhambal ni Momo sa iya sa chat.

Bangud sa alarma nga gintuga sang bata sa una nga alegasyon sini, gilayun nga naghimo ang mga kapulisan sang isa ka operasyon sa bilog nga probinsiya sang Iloilo sumogud alas- 3 kaina sang kaagahon tubtob nga nag-ako si alyas Nonoy nga himo-himo lang niya ang istorya pasado alas 7 na subong sang aga.

Facebook Comments