BACOLOD CITY – Ginsulod sang kawatan ang balay nga gina-istaran sang duha ka taga- Laguna las 7 kaina sang aga sa Lot 10-A23, 13th. St., Barangay 4.
Nagpablotter duha nga sanday Lorenz Cordora, 26 anyos, soltero kag residente sang 669 Ilang-ilang St., Protacio Extension, Pasay City kag Baby Joy Sonido, 20 anyos, dalaga sa Block 65, Lot 2-4 Palao, Paikit Canlubang, Calamba, Laguna.
Suno sa duha nga samtang nagakatulog sila, ila nabugtawan ang isa ka lalaki nga nagasuksok sang cream t-shirt kag ginbuksan ang ila nga bag.
Nabugtawan nila ini kag sang ila ginsita gulpi nga nagpalagyo ang lalaki paagi sa paglumpat sa bintana sang ila ginaistaran.
Sang ila ginlantaw ang ila bag, wala na ang Ipad color gold nga nagabili sang P24,000; McBook Air silver balor P55,000 kag cash nga P3,000.
Sang ila ginpalab-ot sa mga kapulisan kag ginpakita ang rogues gallery, nakilala ang suspek kay Raden Sampane sang Purok Bayanihan, Barangay Villamonte.
Si Sampane ang ginapangita humalin kaina sang mga katapo sang Station No. 2.
