GINTIRO SANG AMAY | Bata, patay matapos gintiro sang amay sa banwa sang Maasin.

Patay ang bata matapos ginluthang sang iya amay gamit ang 12 gauge shotgun mga alas 6:30 kaina sang kasiusidmon sa barangay Sualog, Maasin, Iloilo.

Ginkilala ang biktima nga si Felimon Miranda, 37 anyos samtang ang amay nga suspek amo si Eduardo Miranda, 64 anyos, pumuluyo sang nasambit nga lugar.

Ginpahayag ni PO2 Andres Perez sang Maasin PNP nga base sa ila imbestigasyon, natabu ang insidente mga alas 6:30 sang gab-i kon sa diin hubog ang biktima kag ginsulong sini ang balay sang iya amay nga si Eduardo kag ginhaboy sang bato.


Ginapahayag nga masami ini nga ginahimo sang biktima ang paghaboy sang bato sa balay sang iya amay sa tion nga mahubog kabangdanan nga napuno na ang suspek kag nagkuha ini sang iya 12 gauge shot gun kag gintito ang iya anak.

Naigo sa ulo kag abaga ang biktima nga gintunaan sang iya kamatayon.

Samtang nagsurrender man sa mga Pulis ang amay kag napriso na sa karsel sang Maasin Police station.

Facebook Comments