GIPAHUGTAN|Hugot nga seguridad sa sarangani nagpabiling gipatuman

11

General Santos City–Hangtod karung panahona nag pabilin pa gihapon ang hugot nga seguridad sa probinsiya sa Saranggani bisan pa man nga walay bahad sa terorismo ang maong probinsiya adlaw-adlaw matud pang alerto ang mga kapolisan ug military sukad nagsugod ang martial law sa Mindanao wala matud pa nag slow down ang ilang seguridad.

Kini ang nahimong pamahayag ni Governor Steve Chongbian Solon atol sa pagbisita niini kagahapong adlawa sa gihimong training seminar sa PHIVOLCS sa may Saranggani Highlands.

Gipasalamatan usab ni Governor Solon si Police Chief Supt. Marcelo Morales, ang PNP Regional Director sa Police Regional Office-12 ug 1002nd brigade commander Roberto Ancan sa ilang pagtinabangay uban sa mga nagkadaiyang barangay aron lamang masiguro ang kahapsay ug kalinaw dili lamang sa mga taga Saranggani kundi apil na sa tibuok rehiyon 12.

Gidasig usab sa maong opisyal ang tibuok katawhan sa rehiyon 12 nga dili isalig ang tanan sa kapulisan ug military kun dili ang matag komunidad motabang usab kay sila ang mas dakong importante aron sa pagdepensa sa ilang panimalay. (Reynald Timario)

Facebook Comments