Gipatumang Seguridad sa Forest Lake-han-ay

General Santos City–Gipasigarbo ni Police Sr. Inspector Robert Fores, Deputy Chief Of Police sa Police Station 2 nga nahimong han-ay ang ilang pagpatuman sa seguridad sa forest lake dungan na usab sa pagdagsa sa mga katawhan sa maong sam-ang sugod pa niadtong adlawng Myerkules, hantod karong adlawa.

Sumala niini nga nahimong nindot ang kooperasyon sa katawhan ug bisan na mga motorista nga nahidangat sa forest lake.

Han-ay matud pa ang pagsulod sa mga tawo sa entrance ingon man han-ay ang pagpatuman ug trapiko tungod nag-sunod tanan sa ilang gipatumang regulasyon gikan sa entrance padulong na ngadto sa paggawas sa mga tawo sa maong sementeryo.


Dugang pagbutyag ni PSI Fores nga nahimong epektibo ang gihimo nilang panawagan pinaagi sa media bahin sa mga ginabawal sulod sa matag sam-ang.

Sa forest lake sagad sa ilang mga nakumpiska mga lighter lamang, sa kasamtangan sumala pa wala pa silay nakumpiskang mga bladed weapon, pusil, baraha ug bisan na ilimnong makahubog.

Tungod niini dako ang pagpasalamat ni Fores ngadto sa media tungod sa pagtabang kanila sa pagpaabot sa ilang panawagan ngadto sa katawhan.

Facebook Comments