Tupi, South Cotabato – May gidudahan nga gikalambigitan matod pang kaso nga carnapping sa Polomolok ug Tupi, South Cotabato ang tricycle driver nga gipusil patay niaging adlaw sa National Highway, Barangay Kablon, Tupi, South Cotabato sumala pa sa nigawas nga imbestigasyon sa Tupi Municipal Police Station sa maong kaso.
Kahibaw-an nga giila ang biktima sa pagpamusil nga si Gwaffi Solaiman y Ali, 25 anyos, minyo, empleyado sa Joeymar Grocery Store residente sa Sitio Bulawan, Brgy. Polonuling.
Matod pa kay Police Major Verlin Pampolina, hepe sa nahisgutang presinto sa kapolisan sa munisipyo, posibleng pagpanimalos sa mga kaubanan ang nahitabo na pagpusil patay sa biktima.
Gani sa pagkakaron may mga person of interest na ang kapolisan sa kasong pagpatay sa biktima.
Nanawagan si PMaj. Pampolina ngadto sa pamilya sa biktima og kooperasyon aron matagaan og hustisya ang pagkamatay sa maong biktima nga gidudahang nalambigit sa kasong carnapping.
Migawas sa ilahang imbestigasyon nga samtang pauli na ang biktima gikan sa gitrabahoan sa silingang munisipyo na Polomolok sakay sa iyahang tricycle.
Pag-abot sa Crossing Basak, Brgy. Kablon gipusil na ang biktima sa duha ka suspek nga nakasakay og motorsiklo.
Daghang samad pinusilan sa kalawasan ang naangkon ni Solaiman hinungdan sa iyahang pagkamatay.
CTTO : Alex Castro FB Account
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 120661449_2725094691104917_8190598666351068444_o.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
