GIRESCUE|Hubog natulog sa tunga sa dalan-girescue

25

General Santos City–girescue sa tropa sa Police Station 2 ang usa ka hubog nga si Dondon Ugsad, legal age, residenti sa Davao Del Sur, human nga natulog sa tunga sa kalsada nga sakop sa Purok Maunlad, Barangay Apopong Gensan. Subay sa report sa Police Station 2 nasayran nga usa ka concern Citizen ang mireport sa ilang buhatan nga matud pa dunay usa ka tawong patay ang anaa sa tunga sa dalan. Gilayon nga girespondihan sa kapulisan ang lugar ug nasuta nga hubog ra diay ang maong tawo nga naghigda sa tunga sa dalan. Nagkadugo pa ang ulo niini human nga nakaangkon ug mga samad. Dihang nahuwasan na ang nasangpit nga biktima iyang gibutyag nga siya nag inum uban ang usa ka tricycle driver ug lain pang lalaki, muuli na unta kini sa barangay Fatima sakay sa tricycle sa iyang kainum apan siya nahagbong. Wala na sab kini nakabangon human sa hilabihan kahubog, maayo nalang nga wala siya naligsan sa mga nagaaging dagkong sakyanan hilabi na nga grabe ka ngitngit ang maong lugar. Reklamo sa biktima nga nawagtang ang iyang bag-ong sapatos kansa iyang gituohan nga gikuha sa iyang kainum. Sa karon anaa pa sa kustudiya sa Police Station 2 ang nasangpit nga hubog. Read More:https://rmn.ph/dxmd927gensan/ rmn.ph/

Facebook Comments