General Santos City—Samdan ang usa ka 20 anyos nga lalaki human nga natigbasan dihang iyang giuwang ang nag-away nga managsuon didto sa Barangay Kihan, Malapatan, Sarangani Province.
Biktima giilang si Judel Tan Laginan, 20, residenti sa nasampit nga barangay. Sa inisyal nga imbistigasyon sa kapulisan nasuta nga alas 4:30 ang takna sa hapon, nag-away matud pa ang managsuon nga iyang kaila.
Sa kahadlok nga mudako ang away sa mga nasangpit nagpatunga ang biktima aron sila uwangon, apan inay muundang sa ilang away ang biktima na nuon maoy gitigbas.
Nakaangkon ug samad sa iyang lawas ang biktima kansa daling gidala sa ospital human sa insidenti. Sa karon ang nasangpit nagpabilin pa sa ospital ug nagpaalim nalang sa iyang samad nga naangkon.
Facebook Comments
