Gitudlo nga mitigbas patay sa lima ka biktima, patay human mi eskapo gikan sa kustudiya sa kapulisan sa Sirawai.

Adtong adlawng sabado adunay gikataho nga pagpanigbas 3:30PM didto sa brgy. Pulang Lupa, sakop sa lungsod sa Sirawai, ning probinsya.

Ang mga biktima mao sila si Saidemar Wahid y Callon, 11 anyos, nagpuyo sa brgy. Pulang Lupa, lain pang biktima mao si Nasser Halis y Pablo, 7 anyos, Mohammad Said Mocaddam y Bra, 7 anyos, Hadimar Halis y Pablo 7 anyos, Madjid Halis, 35 anyos, mag-uuma pulos kini sila residente sa Brgy. Libucon, Sirawai.

Ang lima ka biktima gitigbas patay kini sa person of interest nga si Asgal Ontong y Kalas, 34 anyos, usa ka habal- habal driver, nagpuyo usab kini sa brgy. Libucon, Sirawai.


Sa maong panghitabo dali kini nga gerespondihan sa kapulisan sa Sirawai uban sa Zamboanga Del Norte Provincial Mobile Force Company, 905th Regional Mobile Force Battalion gikan sa 42nd IB phil Army. Malampuson nga naaresto ang person of interest duol sa lugar nahitaboan nakuha usab sa iyang posisyon ang mahait nga hinagiban nga mao ang gigamit sa pagbuhat sa krimen.

Ang dinakpan pormal kining ge turn-over sa Sirawai MPS niadtong adlawng sabado alang sa dugang imbistigasyon.

4:30AM kapin kun kulang kagahapong adlawa temporaryo kining gibalhog sa Sirawai MPS ug mihangyo kini sa duty personnel sa Sirawai MPS nga kuhaon ang iyang posas.

Apan ang maong person of interest samtang nagkaduol siya sa comfort room, sa walay pag duha-duha mi eskapo kini agi sa koral ug misibat kini saw ala masayring direksyon.

Dali nga nagpakitabang ang maong personahe aron masikop pagbalik ang mi ikyas.

Dali nga gipahibalo usab ang mga kaubanang tinugyanan sa balaod sa ilang Area of Responsibility may kalabot sa maong panghitabo ug nagpahigayon kini sila ug search and hot pursuit operation.

Mga 5:30Am kapin kun kulang kagahapong adlawa angt kapulisan sa Sirawai, uban sa Zamboanga Del Norte Provincial Mobile Force Company ug sa 905th Regional Mobile Force Battalion, samtang padayon sila sa ilang pagpangita didto sa Sitio Bunkhaouse, Brgy. Sirawai Proper duol sa swamp area.

Ang person of interest nga si Asgal Ontong kalit kini nga mi atake sa usa ka pulis gikan sa iyang gitagoan ug misulay pag ilog sa armas sa usa ka pulis, napugos ug open fire ang mirespondeng mga pulis nga mi resulta sa diha-diha nga kamatayon sa person of interest.

Facebook Comments