Gituohang inahan sa gilabay nga bata gikustodiya

33

Davao del Norte – Gikumpirma sa Kapalong Municipal Police Station nga ila nang gihuptan ang suspek sa giingong paglabay sa usa ka bag-ong himugso nga batang babayi sa sapa sa Barangay Sampao, Kapalong, Davao del Norte niadtong Lunes (October 26, 2020).

Sa interbyu sa DXDC RMN Davao kang P/Cpl. Dennis Betalmos, Desk Officer sa Kapalong MPS, gibutyag niini nga nagpadayon karon ang ilang inbestigasyon sa usa ka babae nga taga-Kapalong nga bag-ong nanganak apan nawala ang anak niini.


“Na-locate na nila nga naay usa ka inahan nga nanganak pero wala ang bata. So siya ang suspek karon ug under investigation pa,” matud ni Betalmos.

Nasayran nga nakit-an sa nanglabang residente sa Brgy. Sampao, ang bata nga naglutaw nga wala nay kinabuhi sa pagtuo nga usa lamang kini ka manika.

Nagpahinumdum ang police official nga mamahimong leksyon ang insidente sa posibleng dalaga pa ug dili pa andam nga mahimong inahan ang suspek sa insidente.

RadyoMaN Kirby Manzon




Facebook Comments