Giyera kontra iligal nga droga, mangin mas maduguon; Peter Lim, dapat magpakamatay nalang suno kay Presidente Duterte

Nagpaandam si Presidente Rodrigo Duterte nga mangin mas maduguon pa ang giyera sang gobyerno kontra iligal nga droga sa pungsod.

Sa pagpamulung-pulong ni Presidente Duterte sa iya pagpanguna sa Ceremonial Signing sang Universal Healthcare act kag presentasyon sang iban pa nga mga napasar nga layi sa Malacañang, ginpahayag sang presidente nga mas maayo kon mag untat na lang ang mga sindikato sa pagpalapta sang iligal nga droga ilabi na sa Visayas region samtang siya ang nagapungko nga presidente sang pungsod.

Ginpanugyanan man ni Duterte ang kilala nga drug lord sang Visayas Region nga si Peter Lim nga magpakamatay nalang kag indi ini magsungka sa iya nga buhi.