Glan balik covid-free na

16

Glan, Sarangani Province–Balik Covid free na ang lungsod sa Glan human nga mag-negatibo ang nag-inusarang kaso niini nga usa ka Locally Stranded INDIVIDUAL (LSI).


Sumala kang Glan Mayor Vivien Yap nga human ang makatulo nga swab test, nag-negatibo na ang nasangpit ug kini matud pa ang iyahang ginapasalamatan.

Sa karon, ana sa 94 ka mga LSI ang anaa sa Glan ug tanan matud pa ang padayong gina-monitor aron masigurado nga luwas ang katawhan sa Glan.

Samtang gibutyag ni Mayor Yap nga aduhnay usa ka beach resort sa Glan ang temporaryo nilang gipasirad-an human nga wala nituman sa mga protocol kalabutan sa modified General Community Quarantine.

Pagpaklaro niya nga tinud-anay ang iyahang kampanya batok covid-19 ug iyahang gina-depensahan ang iyahang katawhan ug siya nanghinaut nga magpadayon ang suporta sa katawhan ngadto kaniya aron nga mapabiling covid free ang Glan.(LVR)

Facebook Comments