Nagahingyo sang hugot nga pagpangamuyo sa mga Ilonggo si Dr. Jesus Insilada, Principal sang Caninguan National High School sa banwa sang Lambunao, Iloilo matapos nga ini siya ang nadala sa top ten finalist sang Global Teacher Prize.
Si Dr. Insilada ang una nga nadala sa top 50 sa first screening kag sa final screening, nalakip man siya sa top 10 kon sa diin sa maabot nga Marso 18, pagapilion ang isa nga magadaug bilang Global Teacher sa awarding nga hiwaton sa Dubai.
Magabaton sang nagataginting nga 1 Million Dollars ang mapilian nga Global Teacher.
Nahibaluan nga si Dr. Insilada ang nangin multi-awarded nga manunudlo kon sa diin sa iya pagtudlo nagapangibabaw ang iya adbokasiya sa pagpakigbato sang mga kinamatarong sang mga indigenous people kun sa diin kabahin sya sang Panay Bukidnon.
Ginagamit niya ang culture-based teaching nga ginahimo niya paagi sa saot, ambahanon kag mga indigenous nga mga hampang kag pamaagi.
