GLOBE Y SMART HAY CURTA CIGNAL DE CELLPHONE AURA MEDIA DIA

Prinsipiando alas-dose aura medio dia hasta alas cingco del tarde hay curta el dos mga telecommunications company con el cignal del mga cellphone aqui na sentro del fueblo.
Este ya bene desfues ya ordena el National Telecommunications Commission (NTC) con el Globe y Smart para temporariamente suspende el servicio del mga “mobile phones” llegar el principio del Streetdance competition que hay conduci ala -una este tarde y el main program luego alas-tres na entablado del Paseo del Mar.
Este orden del NTC ya bene desfues el govierno local y el security sector ya recomenda por el mensyonao curtada del mga linya de comunicaccion por el seguridad del publico durante el actividades del Zamboanga Hermosa Festival entero tarde.
Ta dale aviso el telecommunications company con el publico para nomas estraña si nuay sila cignal del mga cellphone prinsipiando alas-dose del media dia hasta alas cingco del tarde.
Fuede ustedes sabe el mga updates del parada y streetdance, lo mismo el main program pormedio del RMN Zamboanga que hay cuvri LIVE con el actividades.- *Bhong Simbajon/RMN News*

Facebook Comments