Gobyerno, dapat maghinay-hinay sa umano’y nilulutong patakaran para sa mixed-use vaccinations

47

Kinuwestyon ni Senator Leila de Lima ang umano’y planong paglalatag ng Department of Health (DOH) ng patakaran para sa mixed-use vaccinations o pagtuturok sa isang tao ng magkaibang uri ng COVID-19 vaccine.

Tanong ni De Lima, ano ang basehan ng nabanggit na plano ng DOH kung empirical evidence ba o ang kapos na suplay ng iba’t ibang brand ng bakuna sa bansa?


Diin ni De Lima, wala namang problema kung siyensa at pananaliksik ang basehan nito pero mali kung pag-eeksperimentuhan lang ang taumbayan.

Babala ni De Lima, wala pang nailalathalang data ukol sa pagiging ligtas at epektibo ng vaccine mixing dahil nagpapatuloy pa ang pag-aaral hinggil dito ng ibang bansa.

Dahil dito ay ipinaalala ni De Lima sa DOH at sa administrasyong Duterte ang mandato nito na isulong at protektahan ang kalusugan ng publiko.

Facebook Comments