"Good rest", pahayag sang gobernador sang Negros Occidental may angut sa moratorium sa pagpauli sang mga LSI

Ginakabig ni Governor Eugenio Jose Lacson nga “good rest” ang duha ka semana nga moratorium sang pagpapauli sang mga locally stranded individuals (LSI) sa Region 6 kag Region 7.

Nagapasalamat si Gov. Lacson sa desisyon sang gobyerno nga indi anay pagpapulion ang mga LSIs sa Region 6 bangud aminado ini nga puno na ang mga quarantine facilities sang probinsiya kag bisan ang mga personnel nga may katungdanan ang kapoy naman.

Sa interview sang DYHB kay Gov. Lacson, ginakabig niya nga maayo ini nga kahigayunan agud nga maka-disinfect sang mga quarantine facilities kag mapreparahan ang pagpapauli naman sang mga LSIs makaligad ang duha ka semana.


Ang duha ka semana nga moratorium ang nagsugod na kahapon, Hunyo 28.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments