Gov. Marañon pabor sa appointment sang mga barangay officials

Bacolod City – Pabor si Governor Alfredo Marañon nga i-appoint nalang ang mga barangay officials sa bilog nga pungsod, imbes nga may ara pa sang election.

Suno kay Marañon, ang nagakatabo subong nga tuman ka gasto sang pulitika sa barangay bangod ang mga pulitiko, amu man ang ginadalagan sang mga kandidato sa tion sang barangay elections. Ini magluwas pa sa ila personal nga gasto sa tion sang kampanya.

Kon i-appoint ang mga barangay officials, pabor man ini sa gobyerno bangod wala na sang gastuhon sa pagpatigayon sang piniliay.

Pabutyag pa sang Gobernador nga pabor pa gid ang appointment kon siya mismo bilang Gobernador amu ang magapili kon sin-o ang nagakadapat nga magpungko. 

Una na ginpahayag ni Secretary Mike Sueno sang Department of Interior and Local Government (DILG) nga bisan si President Rodrigo Duterte ang nagaduso nga dapat appointment ang matabo sa mga barangay officials para nga indi na masudlan sang mga durugista kag ma-manipula ang panghimanwa sa barangay paagi sa pagfinance sa ini sang mga drug personalities.

Sa karon, ginatun-an pa sang national government ang proseso sang appointment bangod wala pa na-repeal ang laye angot naman sa 2017 SK kag Barangay elections./ dyhb-Bacolod



 

Facebook Comments