Government employee nga nagbabaligya hin ‘shabu’ ha Tacloban, arestado

607

TACLOBAN CITY – Arestado han Philippine Drug Enforcement Agency (PDEA) kaupod an Tacloban City Police Office an High Value Target nga suspek nga nagbabaligya hin illegal nga droga ha Brgy. 25 Real, Tacloban City harani ha Plaza Rizal, alas 3:45 han kulop kasangkulop.

Basi han report, ginkilala an suspek nga hi Elmer Catindoy Cruto, usa nga empleyado han gobyerno, 43 anyos, may asawa ngan residente ha brgy. 108, dinhi ha Tacloban.

Ginkokonsedera nga High Value Target an suspek tungod nga empleyado ini han gobyerno.

Napalit han mga otoridad tikang ha suspek an 4 nga heat sealed transparent plastic sachet han gin-aaligar shabu nga may kabug-at nga 0.4 gramo nga nagkakantidad hin 2,500 pesos.

Maatubang an suspek ha mga kaso nga Sale ngan Possession of Dangerous Drugs han R.A 9165.

Paslak na an suspek ha Tacloban City Police Lock Up Cell.

Facebook Comments