Governor Arthur Defensor Sr. pabor nga magpa drug test ang mga kandidato sa Barangay kag SK elections

Pabor si Gov. Arthur Defensor Sr. nga ipa-drug test ang mga kandidato sa Barangay kag SK elections.

Ini kasunod sang pahayag ni incoming PNP Chief Director General Oscar Albayalde nga luyag niya ipa-drug test ang mga kandidato sa Barangay kag SK elections.

Suno sa Gobernador, bentaha ini agud indi makasulod sa pulitika ang mga drug users ukon ang mga drug pusher.


Apisar sini, ginpahayag ni Defensor nga indi man mapilit ang iban kon indi sang mga ini luyag magpa-drug test.

Madumduman nga una na ginpahayag sang Commission on Elections ukon COMELEC nga ‘unconstitutional’ ang mandatory drug test.

Samtang may panugyan si Gov. Defensor sa mga botante nga indi dapat pagbotohon ang mga makawat, adik, mango kag matamad nga mga kandidato sa Barangay kag SK elections.

Facebook Comments