Governor Fuentes ginsiguro nga may ibilin nga pondo sa masunod nga administrasyon, apang may hangkat sa magpungko nga gobernador.

10

Ginapabugal ni Outgoing South Cotabato Governor Daisy Avance Fuentes nga sa iya pagpanaug sa pwesto matapos ang kapierdihan sang Mayo 13 nga eleksyon madamo naman suno pa siya sang nahimo para sa katawhan sang probinsya upod ang iya mga kapartido.

Ginpasiguro niya man nga sa iya pagbiya sa provincial government ibilin niya sa masunod nga administrasyon ang nagalab-ot sa masobra P605 million bilang continuing projects sang nagligad nga tuig, P2.2 billion para sa 2019 budget, P1.8 billion nga cash.


Ginpasalamatan man ni Governor Fuentes ang mga national government agencies tungod kon indi suno pa sa ila indi madasig kag maayo ang pagpadalagan sa provincial government.

Samtang ang iya lang nga ginakasubo suno kay Governor Fuentes nga magabiya siya sa pwesto nga wala niya natapos ang misyon nga wala na sang tawo sa probinsya nga mahadlok nga magreklamo nga ginaagaw na ang ila nga lupa, ginadaug-daug kag ginapatay.

May-angot sini, hangkat niya sa masunod nga administrasyon nga mapasiguro nga tanan katawhan sang probinsya ang hilway nga magreklamo ukon palab-ot sang ila nga sentimiento kag wala na sang engkwentro sa tunga sang militar kag rebelde nga grupo.

Facebook Comments

From Advertisers