GOVERNOR’S CUP 2018 | Aksyon Agad SK Inter-Clustered Basketball Tournament sa Roxas City, kasado na!

122

12 ka hubon magapaindis sa Governor’s Cup Roxas City, Capiz – Naglab-ot sa 12 ka hubon naguikan sa 12 ka clustered barangays sa syudad sang Roxas ang magapaindis para sa nagahilapit nga Governor’s Cup, 2018 Aksyon Agad SK Inter-Clustered Basketball Tournament sa Roxas City nga programa sa isports ni Governor Tony del Rosario. Agosto 4,pormal na nga guinpresentar sa atubang sang organizing kag technical committee sa pagpanguna ni Atty. Ronnie Dadivas , Project Director ang 192 tanan ka basketball players naguikan sa 47 ka kabarangayan nga guintunga sa 12 ka cluster para sa validation. Nagtambong sa aktibidad ang mga SK Chairpersons sang syudad sang Roxas kag Roxas City Councilor Powel del Rosario, Jun Sumcad kag Gary Potato. Sa palaabuton nga Agosto 18 magasugod na ang basketball tournament nga patigayunon sa Don Ynocencio del Rosario Memorial School. Pila sa mga hinampang nga magasunod diri ang hiwaton man sa Capiz Gymnasium. Magluwas sa pagsulong sang sportmanship kag pag-abyanay sang kabataan sa kabarangayan pinaagi sa basketball tinutuyo man sang Aksyon Agad SK Inter Clustered Basketball Tournament nga maka develop sang atleta sa grassroot level. Magluwas sa libre nga registration kag uniforms may papremyo pa nga nagahulat sa magamadinalag-on nga hubon.
(c) Capiz Aksyon News Center

Facebook Comments

From Advertisers