Giila ang suspetsado nga si Reycjohn Buton, alias “Jan-jan”, 20 anyos, ulitawo, grade 12 student, ug residente sa Purok-2, Panalsalan, Maramag, Bukidnon.
Napalit gikan sa suspek ang usa ka pakete sa gituohang drogang shabu samtang narekober ug nakompiska ang laing pito (7) ka mga pakete sa gituohang drogang shabu nga mukantidad og P6800.00 ug mitimbang og kapin kon kulang usa ka gramo. Narekober usab ang tulo ka plastic cellophane, usa ka pitakang color brown, usa ka disposable lighter, usa ka unit sa Samsung nga cellphone, ug usa ka Baja nga single motor.
Gidala na sa Bukidnon Provincial Forensic Unit sa Malaybalay City ang dinakpang suspek lakip ang mga nakompiskang ebidensya samtang ginaandam ang kaso sa paglapas sa RA 9165 kon Comprehensive Dangerous Drugs Act of 2002 ang dinakpang suspetsado.
