Graduation sa mga estudyante sa mga pampublikong tunghaan sa CdeO, magdepende sa sitwasyon sa COVID-19

Magdepende sa sitwasyon karon sa covid-19 ang graduation sa mga estudyante sa mga pampublikong tunghaan ning syudad.

Kini ang gibutyag ni Cagayan de Oro Schools Division Supt. Cherry Limbaco atol sa interview sa dxCC-RMN.

Matud ni Supt. Limbaco nga tungod kay gipatuman gihapon ang social distancing, nahimo nilang option karon nga ibutang sa usa ka envelope ang report card sa estudyante, diploma, medal ug ribbon aron nga kuhaon nalang sa school bisan unsang orasa.


Dugang pa ni Supt. Limbaco, usa usab sa ilang option ang pagbutang og photo wall sa tunghaan bahin sa graduation aron nga didto pwede makapa-picture ang usa ka estudyante hangtud sa Mayo 31 ning tuiga.

Ang nasangpit nga mga pamaagi ang pareho gihapon alang niadtong recognition sa mga dili graduating students.

Facebook Comments