Granada, narekober atubangan sa bakeshop

General Santos City—narekober sa kapulisan ang usa ka Granada atubangan sa Gala Bakeshop nga nahimutang sa Octavio Village, Barangay Cannery Road, Polomolok, South Cotabato, niadtong Martes sa Buntag, Pebrero 13, 2018.

Una nang nakadawat ug report ang Polomolok Municipal Police Station gikan sa usa ka concerned citizen bahin sa nakaplagang Granada.

Paspas nga girespondihan sa South Cotabato Explosive Ordnance Division (EO) ang lugar diin nagpositibo ang report.


Sa pagsuta sa kapulisan usa ka F1 Russian Grenade ang narekober. Gikabutyag nga tanggal na ang safety lever niini diin nakit-an duha ka metros ang gilay-on gikan sa nahimutangan sa Granada.

Sa karon ginasuta na sa EOD kung ang maong Granada gituyo ug labay sa lugar o igo ra nga nahulog sa nagdala niini. hinuon nagpadayon ang gihimong imbistigasyon kalabutan sa maong insidenti.

Facebook Comments