Lezo, Aklan – Maeapad nga parte it kakahuyan rong nasunog matapos nga magtuhaw rong grass fire kaina it udtro adlaw sa Brgy. Silakat Nonok, Lezo, Aklan.
Suno sa nakasaksi ag tenant nga si Jenelyn Locban ko eogta nga ginapanag-iyahan ni Raffy Irapta nga samtang naga gagaeab sanda it paeay hay napan-uhan nanda rong nagatub-ok nga madamoe nga aso nga kung sa siin sa unang pag-eaom nanda hay baeay rong nasunog.
Anda nga gin-adtunan ag pag-abot hay maeapad eon rong ginkamangan it kaeayo rason nga nagtawag sanda it bombero.
Pag abot ko mga taga BFP Kalibo ag Numancia hay nagpatigayon rayon sanda it mapping operation para mapatay rong kaeayo ag indi eon mag makot pa.
Ginapatihan nanda nga basi naghalin rong kaeayo sa ginsug-an nga ugabhang ag daya hay nag-eapta.
Uwa man it mga baeay nga nadaeahig sa nasambit nga sunog.
