Greyhounds operations sang BJMP, gina-abi-abi sang PDEA 6

32

Ginaabi-abi sang Philippine Drug Enforcement Agency ukon PDEA Region 6 ang asud-asud nga Greyhound Operations sang Bureau of Jail Management and Penology sa Iloilo District Jail sa Brgy. Nanga Pototan, Iloilo kag sa Iloilo City District Jail sa Brgy. Ungka Jaro, Iloilo City.

Suno kay PDEA Regional Director Wardley Getalla, nagapakita lamang nga sinsero ang mga katapo sang BJMP nga tapna-on ang paglapnag sang iligal nga droga sa sulod sang mga bilangguan.

Sa ginhiwat nga Greyhound Operations sang BJMP may nakumpiskar nga mga sachet sang ginapatihan shabu, drug paraphernalia, cellphones, kag iban pa nga mga kontrabando.

Nakit-an sang PDEA 6 nga kulang sa kagamitan ang BJMP nga madetect gilayon ang mga nagasulod nga kontrabando sa bilangguan.

Angut sini, nagaplano sa karon si Director Getalla nga magpatigayon sang consultative meeting sa BJMP Region 6 agud maistoryahan ang mga kaangay sini nga isyu kag bululigan tapna-on ang nagapadayon nga problema sang iligal nga droga sa sulod sang mga presuhan.

Facebook Comments