Groundbreaking sa Bukidnon airport, gitakda

Gi-anunsiyo ni Senador Juan Miguel Zubiri nga nakatakda na ang pagpahigayon sa groundbreaking sa Bukidnon Airport nga tukuron sa lungsod sa Don Carlos ning probinsya.

Matud sa senador kinsa usab taga Bukidnon, nga lauman nga pangunahan ang mao nga groundbreaking ni Pangulong Rodrigo Duterte ug ni Department of Transportation Secretary Arthur Tugade sa dili pa ang bulan sa Nobyembre karong tuiga.

Sigun sa opisyal nga kinahanglan na ang pagbaton ug airport sa Bukidnon tungod sa kalayo niini sa mga airport sa Laguindingan, Misamis Oriental ug Davao City.


Nasayran nga ang Bukidnon usa ka landlock nga probinsya.

Ang mao nga proyekto kabahin matud pa sa Build, build, build program sa Duterte administration.

Sa interview sa RMN ngadto kang Vina Jane Maghinay, ang information officer sa Department of Public Works and Highways kon DPWH Region 10 gibutyag niini nga ilawom sa mao nga programa nagbuhos ug mga proyekto ang administration sa Mindanao diin apil na ang probinsya sa Bukidnon nga gihatagan ug pondo alang sa infrastructure project.

Facebook Comments