Grupo ni Satur Ocampo kasuhan og trafficking

Davao City – Kasuhan na karong hapon si Former Bayan Muna representative Satur Ocampo, ACT Teachers Representative France Castro ug laing 21 pa ka mga personalidad.

Gibutyag ni Davao del Norte Provincial Police Office Women and Children’s Protection Desk chief Police Senior Inspector Alarene Fulache nga kasong may kalapasan sa RA 10364 o Expanded Anti-Trafficking in Persons Act of 2012 in relation to RA 7603 o child abuse ang iduso nila ngadto sa piskalya sa Davao del Norte.

“Kwestyunable kasi sa limang vans kasama nila ang mga minors noong hinanapan ng mga personnel natin ng mga documents like parent’s consent na pweding i-travel ang mga bata wala silang maipakita,” sumala ni Fulache.


Gilantaw sa kapulisan nga kasuhan usab ang grupo ni Ocampo og Kidnapping.

Katorse ka mga mga menor de edad nga anaa sa 14-17 anyos, 2 ka lalaki, 12 ka mga babae ang gibyahe sakay sa lima ka mga vans kagabie ug naharang kini atol sa joint operation sa militar ug kapulisan sa may Prk. 3, Brgy. Sto. Niño, Talaingod, Davao del Norte.

Gituohang dalaon nila Ocampo ang mga kabataan didto sa Maco, Compostela Valley.

Sumala ni Fulache nga ang maong mga na-rescue nga kabataan taga-Bukidnon, Sultan Kudarat, Zamboanga ug North Cotabato ug mga estudyante kini sa Salugpungan Ta’tanu Igkanugon Community Learning Center Inc. (STTICLCI).

Usa sa mga inahan sa mga menor ang nidangop sa Talaingod Municipal Police Station ug gisaysay niini nga 5 ka adlaw na nga na-missing ang iyahang anak.

Ang katorse ka mga kabataan nagpabilin pa karon sa istasyon sa Talaingod ug giasister kini sa taga-Department of Social Welfare and Development.

Samtang, gibatbat sa ACT Teachers Party-list nga igo lamang silang nagpahigayon og “national solidarity mission” human sila nakadawat og taho kalabot sa pagpang-harass sa maong dapit.

“As of press time, about 15 to 20 members of Alamara are still harassing the students, teachers and locals. With their lives at risk, students and teachers are currently evacuating and a rescue mission is being conducted,” pamahayag sa ACT Teachers.

RadyoMaN Aimee Guinita

Facebook Comments