Grupo sa kalalakin-an nga napildo sa dulang basketball, namusil

Pagadian City – Gapa-alim pa sa balay tambalanan ang duh aka estudyante nga gipusil dihang dapita sa Purok Kawayan, Phase 3, Nazareth, Barangay Buenavista, Pagadian City alas 6:05 sabado sa gabii. Giila ang mga biktima nga sila si Richard Manlanat, 22 anyos ug Raymond Manlanat 21 anyos, pulos residente sa Purok Kawayan, Phase 3, Nazareth, Buenavista, ning syudad.
Samtang padayon nga gipangita sa kapulisan ang mga suspek nga giilang si Haber Sarapuddin alyas “bob”, 33 anyos, carpenter and Bayoyoy Maknon alyas “Bayoyoy”, 23 anyos, susamang sa Nazareth, Buenavista ning dakbayan.
Sa inisyal nga imbestigasyon nasayran nga gipildi matud pa sa mga biktima ang mga suspetsado sa dula nga basketball rason nga namiya kini korte og nanguli sa ilang pinuy-anan apan wala damha sa mga biktima nga namalik ang mga suspetsado nga armado na sa 38 revolver nga armas.
Ang suspek nga si alyas Bobo maoy nikompronta sa mga biktima dungan ang pagpusil gamit ang moang armas. Samaran sa lain-aling parte sa lawas ang duha biktima igo si Raymond sa toung bahin tuhod samtang si Richard igo sa iyang bukton nga nilahos sa iyang tiyan.
Sa dugang impormasyon armado matud pa sa caliber 45 nga pistola ang laing suspek nga si Bayoyoy nga maoy nagsilbi nga back-up. Ang mga biktima daling gidala sa Zamboanga Del Sur Medical Center alang sa dinalian nga medikasyon samtang ang mga suspek nisibat paingon sa sagbutan nga bahin sa Nazareth, Buenavista, Pagadian City.

Facebook Comments