GSCPO gipanigurong luwas ang simana santa sa syudad

23

General Santos City–Gipaniguro karon ni Police Chief Inspector Jovenson Bayona ang tigpamaba sa General Santos City Police Office (GSCPO) nga mamahimong luwas, hapsay ug malinawon ang mamahimong selebrasyon sa Gensan sa Simana Santa gumikan nakaalerto kanunay ang kapulisan sa syudad.

Sumala pa ni PCI Bayona nga gipatuman na sa tanang Chief Of Police ang ilang nakalatag nga security plan sa ilahang tagsa-tagsa ka mga area of responsibility hilabi na sa mga area nga adunay dagkong simbahan, terminal, malls ug mga beach resort.

Niadtong adlaw nga Lunes nagsugod na usab ang pag butang ug mga security personel sa maong mga area aron nga masiguro nga mamahimong hapsay ang selebrasyon sa katawhan.

Gani niadtong milabay nga Sabado gipangunahan ni PC/Supt Marcelo Morales ang Regional Director sa PRO-12 ang pag bisita sa mga lugar nga gina-adtuan ug tao aron masiguro nga adunay pulis nga naga bantay sa maong mga lugar.(Dave Silagan)

Facebook Comments