GSCPO mas pahugtan pa ang mga checkpoint sa Gensan

23

General Santos City–Mas pahugtan pa sa General Santos City Police Office ang mga checkpoints nga ilang gimuntar dinhi sa syudad diin tanang naga-agi sa mga checkpoint pangitaan ug mga dukomento sama sa ID ug essential pass kini ang nahimong pahayag ni Police Col. Aden Lagradante, ang City PNP Director sa General Santos City Police Office.

Sumala ni Col. Lagradante nga hugtanon nila nga ipatuman ang Executive Order nga gipagula ni Gensan City mayor Ronnel Rivera aron nga mapugos ang katawhan nga magpabilin sa ilang panimalay gawas lang niadtong mga essential workers nga ginatugutan sa syudad nga makatrabaho taliwala sa gisagubang karon nga krisis sa COVID-19.


Nangayo usab ug pagsabot ang opisyal sa katawhan tungod ila lang ginahimo ang ilang trabaho tungod ug alang sa kaluwasan sa katawhan gikan sa bahad sa coronavirus.

Dugang pasabot ni Lagradante nga kung dili buot sa katawhan nga maperwesyo gumikan sa hugtanong pagsunod sa otoridad sa kamanduan sa mayor, mas maayong motiner nalang sa ilang panimalay inay magsige ug latagaw. (Dave Silagan)

Facebook Comments