Pagadian City – Gipamatud-an sa 88 anyos nga lalaki ug 67 anyos nga babaye nga walay gipiling edad ang gugma human sila hingpit nisulod sa natad sa kaminyoon atul sa gipahigayon nga libreng kasalan ng bayan karung buntag nga gihimo sa City Commercial Center o C3 Mall ning syudad sa Pagadian.
Sa kapin sa dose (12) katuig ang panag-ipon ni Cornelio Albiar ug Leonora Aclao og nakahukom sila nga moapil sa libreng kasal nga gipasi-ugdahan sa City Civil Registrar uban ang pakig-alayon sa lokal nga kagamhanan.
Gikasal ni Mayor Romeo Pulmones ang 83 ka parisan balon ang pahimangno nga ang kaminyoon usa ka espesyal nga kontrata ug dili sa kan-on nga kun init mamahimo pang iluwa.
Sadya ang mga kinasal sailing pagpama-uli dihang apud-apuran og mga wedding cake ug gipasidungan usab ang mga pinakadaghan og anak ug pinakabata nga magtiayon.
