Guidelines sa school-based COVID-19 immunization ipagula

41
Davao City – Gilauman sa Davao City Coronavirus Disease 2019 (COVID-19) Task Force (TF) nga aduna nay ipagula nga guidelines sunod semana ang Department of Health (DOH) kabahin sa himuong pagbakuna batok COVID-19 sa mga eskwelahan.

Sumala ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio), ang maong guidelines maoy sundon sa gitawag nga school-based immunization ilabina sa mga menor de edad karon nga nabalik na ang face-to-face classes.

“We are still waiting. Nagpabilin gihapon nga naghulat ‘ta sa approval sa Department of Health because at the end of the day, sila man gud ang approving body. So, I hope within next week or early next week, naa na ‘tay madungog coming from the Department of Health as to unsaon nato ang school-based immunization,” sulti ni Schlosser.

Subling gipasabot sa health official ang importansya sa bakuna ilabina sa mga menor de edad nga dili pa responsable sa ilang kaugalingon ug posibleng dili malikayan ang pakigtapok sa ilang mga kauban sa klase rason nga sila angay maprotektahan gikan sa COVID-19.

RadyoMaN Kirby Manzon

Facebook Comments