Nabulabog ang pipila ka establishemento ingon man ang katawhan diha sa quezon avenue human adunay gi-abandonang karton atubangan mismo sa usa ka electrical shop.
Dali nga gi-respondihan sa kapulisan uban ang Explosive Ordinance Disposal o EOD aron sutaon ang sulod sa maong karton.
Nasayran nga alas singko pa sa kadlawon gi-abandona ang maong karton butang nga nakahatag ug kabalaka sa nakakita niini hinungdan nga dali siyang mitaho ngadto sa mga otoridad.
Hinay-hinay nga gisusi sa EOD team ang maong butang lakip usab sa ilang gipaagi niini ang K9 nga mao’y usa sa makatabang aron pagsuta kun aduna bay kadudahang butang ang sulod niini.
Apan, sa pag-abri sa maong karton mibulagta ang sulod niini nga pulos lamang mga basura.
Facebook Comments
