Gutom nga iloy ginkagat kagat ang iya 3 anyos nga bata bangod sa depression

972

ANGELES CITY, PAMPANGA – Makaluluoy ang nadangtan sang isa ka tatlo ka tuig nga bata sa kamot sang iya kaugalingon nga iloy didto sa Angeles City, Pampanga matapos ini siya ang ginkagat-kagat bangud sang depression kag sobra nga gutom.

Ginpahayag sang Violence Against Women and their Children (VAWC) Desk sa Brgy. Amsic, Angeles City nga ila nabal-an ang hitabo matapos nga ang amay mismo sang biktima ang nagpadulong sa ila agud magpangayo sang bulig nga salbaron ang iya bata.

Suno sa VAWC nga posible ang madamo kag nagkalain lain nga problema subong man ang tuman nga kapigaduhon sa pagpangabuhi ang rason kon ngaa gin-igo sang depression ang amo nga iloy.

Pahayag sang bana nga wala siya sang permanente nga trabaho gani napuno sila sang utang kag sining karon lang, halos adlaw adlaw sila nga ginasukot.

Ginsiling sang bana nga sa tagsa ka gina-atake sang iya depression ang iya misis ilabi na gid kon ini ang gina-gutom, iya ginapa-ukpan ang ila tatlo ka tuig nga bata pinaagi sa pag-kagat sini.

Sang na-rescue ang bata, nakita ang madamo sini nga kagat sa iya tiyan kag dughan subong man sa iya buli.

Sa karon ginpaidalum na sa counseling sang City Social Welfare and Development ang amo nga iloy samtang ang iya naman bata ang ginhatag sa kustodiya sang iya tiya. / Savvy about Nothing photo

Facebook Comments