Guwardiya nipatay sa kaubang guwardiya

Patay ang usa ka 18 anyos nga guwardiya human kini gipusil sa iyang kauban ra usab nga guwardiya sa ilang gibantaya nga condominium building sa dalan General Maxilom sa Cebu City ganinang buntag , Disyembre 24.

Ang biktima nailhan nga si Romy Biaza nga taga lungsod sa Tuburan samtang ang nagpusil kaniya mao ang 26 anyos nga kauban nga si Roy Escobanes nga taga Palanas Masbate apan kasamtangan nga nagpuyo dinhi sa dakbayan sa Sugbu.

Si Escobanes niakusar ni Biaza nga magsigi ug panungog niya ug saw a pa niya kini pusila , nanghagit na gyud kaniya ug sumbagay .


Nairitar si Escobanes ug wa na siya kaaguwanta sa binuhatan ni Biaza hinungdan nga naputong kini ug iyang gipusil samtang kini naglingkod ug nagbantay sa iyang puwesto.

Matud ni Escobanes wa siya magmahay sa iyang nabuhat ug andam niyang bayran sa bilangguan ang nabuhat nga krimen .

Ang suspek nisurender dayon sa kapolisan human sa pagpusil sa biktima ug natanggong karon sa Parian Police Station .

Facebook Comments