Gwardya, gipusil sa iyang bayaw

3

General Santos City–Padayon pa ang gihimong imbistigasyon sa Polomolok Municipal Police Station kalabutan sa pagpamusil patay sa usa ka security guard nga nailang si Martiniano Quintanes, 36 anyos, residenti sa Purok 5, Aknalan, Barangay Polo, Polomolok, South Cotabato alas 11:50 ang takna sa kagabie.

Gipusil ang biktima sa iya ra usab nga bayaw nga giila lang sa pangalang Eleseo Paulin, residenti sa samang lugar.

Sa inisyal nga imbistigasyon sa Polomolok PNP nasuta nga ayha nahitabo ang pagpamusil, nag inum pa ang biktima ug ang suspek didto mismo sa gitrabahuan nilang pineapple plantation , apan dihang nangahubog na didto na natigayon ang panaglalis nga misangko sa pagpamusil.

Ang biktima nakaangkon ug samad sa kalawasan nga hinungdan sa iyang kamatayon, samtang ang suspek paspas nga misibat human sa insidenti.

Sa karon ginapaningkamotan sa kapulisan nga mahinabi ang pamilya sa suspek aron nga kumbinsihon nga sila tabangan nga mapatahan sa iyang kaugalingon ang suspetsadong responsabli sa pagpamusil sa iyang bayaw.

Facebook Comments