Gwardya, nasapwan nga patay sa isa ka balaligyaan sa Roxas City

469

Roxas City, Capiz – Wala na sang kabuhi sang masapwan sang iya mga kaupdanan ang isa ka security guard sang Carol’s Square Plaza kahapon sang aga. Ginkilala ang biktima kay John Denosta 39-anyos sang Barangay Milibili, Roxas City.
Nahibaluan nga sang gab-I, nag-una pahuway ang nasambit nga gwaryda bangud nagalain ang pamatyag sini. Sang nag-aga na, magabukas na kuntani ang nasambit nga establisemento sang matalupangdan nga wala na nagahulag si Denosta. Gin-uyatan sang iya mga kaupdanan ang kamot sini, apang matig-a na.
Gindala pa sa Roxas Memorial Provincial Hospital ang lawas ni Denosta, apang ginbawian sang kabuhi ang nasambit nga gwardya. Ginapatihan nga posible gin-atake sa korason ang nasambit nga biktima.

Facebook Comments