Gwardya naunay sa iyang pusil-angol

21

General Santos City—Samdan ang usa ka gwardya nga si Aron Mercado, 32 anyos, gwardya nga nakabase sa Sea wall Petron Gasoline Station ug residenti sa Lote, Barangay Calumpang ning syudad human nga naunay sa iyang pusil.

Base sa inisyal nga imbistigasyon nasuta nga ala 1:38 ang takna sa kaadlawon kagahapong adlawa nag-inum ang nahisgutang biktima sa usa ka imnanan duol sa iyang gitrabahuan ilawom sa area of responsibility sa Police Station 1.

Dihang nahubog, iyang gigunitan ang iyang pusil nga usa ka 38 revolver ug iya kining nakablit rason nga nibuto ug siya naigo sa iyang tiil.

Paspas nga gidala ang biktima sa St. Elizabeth Hospital ug kasamtangan na kini karon nga nagpaalim sa iyang samad nga naangkon.

Facebook Comments