Habal-habal driver gibangga ang motorsiklo human gisuwayan ug karnap sa pasahero

General Santos City—angol ang usa ka habal-habal driver human niining gibangga ang iyang motorsiklo sa poste human nga gisuwayan ug karnap sa iyang pasahero ang iyang motorsiklo samtang sila anaa sa Prk. San Roque, Brangay Labangal Gensan.

Ang biktima nailhang si Jovino Resentes, 27, Habal-habal driver ug residenti sa Prk. Paradise, Barangay Tambler ning syudad.

Alas 2:00 ang takna sa kabuntagon kaganina , June 20, 2017 namasahero ang nahisgutan, sa sentrong bahin sa syudad gamit nag bag-o niini nga XRM Motorcycle.
Nakakuha kini ug usa ka pasahero sa may Barangay South ug nagpahatod sa Prk. Lanoy Barangay Labangal.
Pag abot sa may national highway, mihangyo ang suspek nga muhapit sa Prk. San Roque, kay duna matud pa syay hapiton, pag sulod sa eskinita ug ngitngit nga lugar, kalit lang mideklara ug Carnap ang suspek.
Inay muhonong, gibangga sa biktima ang iyang motorsiklo sa poste nga bahin hinungdan nga sila nangatumba.
Tungod sa kalisang sa suspek paspas kining midagan sa ngitngit nga lugar bisan pa nakaangkon ug bun-og mugna sa pagbangga sa biktima sa iyang motorsiklo.
Paspas usab nga misibat ang biktima gikan sa lugar tungod sa kahadlok nga siya balikan sa suspek. bisan samdan na miuli pa kini sa ilang panimalay aron sa pagpangayo ug tabang sa iyang mga igsuon.
Gilayon usab kining gidala sa Dr. Jorge Royeca Hospital gumikan sa mga samd nga iyang naangkon.
Sa karon padayon pa ang gihimong imbistigasyon sa Police Station 2 (Makar Police Station) sa maong insidenti samtang ginasuta pa ang suspek sa maong krimen.


Facebook Comments