Habal-habal Driver gidunggab, patay!

Iligan  City-  Patay  ang  usa  ka  habal-habal  driver  human  kini  gidunggab sa  iyang  pasahero  kagahapong  adlawa.
 
Biktima  nailing si  Sherwel  Barriga,  27  anyos  minyo taga Pindugangan  sakop  sa Barangay  Tipanoy ning dakbayan.
 
Nakita  ang  patayng  lawas  sa  maong biktima  ala   una  ang takna sa hapon kagahapong  adlawa  sa  awa-aw nga  bahin   may  Barangay  Maria  Cristina  ning dakbayan  sa  Iligan  diin  gituohan  nga  adlawan pa  lang  nahitaboang  maong  pagpangdunggab.
 
Sumala  pa,  nga  ang maong  driver  gisakyan  sa  duha  niya ka  pasahero  diha sa  may  Palao  Market padulong  unta  sa Ditucalan  apan  pag  abot sa nasangpit  nga   lugar kalit  lang  kining  gidunggab sa  maong suspetsado  gamit ang  usa  ka  mahait  nga  hinagiban.
 
Duha  ka  samad  dinunggaban sa  dughan  ang naangkon  sa  biktima, hinungdan  sa iyang  hinanaling kamatayon.
 
 Nakuha  usab  sa    suspek  ang  motor   nga  XRM pula  combination itom  nga  gi  drayban  sa  maong  biktima.
 
Padayon    karon   ang  imbestigasyon  sa  kapulisan sa  Presento  2 kalabot  sa  maong insidente.

Facebook Comments