Habal-habal driver, giluba na, gipusil pa

12

Dimataling, Zamboanga del Sur – Gapa-alim karon sa ospital ang habal-habal driver nga ulahing biktima sa pagpamusil nga nahitabo didtong dapita sa Public plaza nga sakop sa Barangay Kagawasan, Dimataling, Zamboanga del Sur.
Sa inisyal nga imbestigasyon nasayran nga 12:30 kagahapon sa udto samtang kamulo sa paghinlo sa iyang motorsiklo ang biktima, kalit nga nibutho ang mga suspek og giluba ang biktima nga si Arturo Libre alyas Balter, residente sa Barangay Tiniguangan, sakop sa nahisgutan nga lungsod.
Swerte nga nakalikay ang biktima og nidagan apan gipusil kini sa wala mailang suspek.
Dihang nadawat ang taho daling niresponde ang tropa sa kapulisan sa Dimataling apan wala nila maabti ang suspek.
Diha-diha naglusad og hot pursuit operation ang otoridad batok sa suspek apan hangtud ning orasa wala masakpi ang nihimo sa krimen.
Base sa imbestigasyon nasayran nga sakay ang mga suspek sa motorsiklo paingon sa lungsod sa Dinas, Zamboanga del Sur.
Blangko pa ang kapulisan sa motibo sa pagpamusil.

Facebook Comments