Hagna nga nagasilot sa nagapanghaboy sa mga salakyan, aprobado na sa ikaduha nga pagbasa sa Kamara

72

Paandam sa mga mahilig mangbato sang salakyan.

Aprobado na sa ikaduha nga pagbasa ang hagna nga nagasilot sa sin-o man nga mapamatud-an nga naghaboy sang matig-a nga bagay sa salakyan.

Sa idalum sang House bill 7163 ginadumilian ang paghaboy sang bato, bricks, kahoy ukon metal ukon ano man nga matig-a nga bagay nga makaguba ukon makatuga sang kamatayun ukon halit sa pasahero.

Kun mangin kasuguan yari ang multa kag silot sa ma convict sa kaso:

1. 25 ka tuig nga pagkabilanggo kag multa nga P100,000 kag dugang nga civil liabilities kun may mapatay sa pagpanghaboy sa salakyan.

2. Lima ka tuig nga pagkabilanggo kag multa nga P15,000 kag dugang nga civil liabilities sa medical expenses kag rehabilitation sang nahalitan nga pasahero;

3. Kag 1 ka tuig nga pagkapriso kag multa nga P10,000 kag dugang nga gasto sa pagpakaayo sang nasamad nga salakyan.

Nagalaum ang Kongreso nga sa mabug-at nga penalty, magkatahap na ang mga mahilig mangbato sang salakyan.

(photo from web)

Facebook Comments