Gin-aprobahan sini nga adlaw sang Lunes sang House Committee on Health ang hagna nga ginduso ni Iloilo City Congresswoman Julienne “Jam-jam” Baronda nga nagatuyo dugangan ang bed capacity sang Western Visayas Medical Center ukon WVMC.
Ginduso ni Baronda ang House Bill 909 nga nagatuyo nga dugangan ang bed capacity sang WVMC halin sa 425 padulong sa 700.
Sa idalum sini, pagadugangan man ang mga Medical personnel sang ospital kag i-upgrade ang ila mga serbisyo, pasilidad kag Professuional Health care.
Gin-file ang hagna sang Hulyo 2, 2019, is aka adlaw matapos magpungko sa palangakuan ang pinakauna nga Congresswoman sang siyudad sang Iloilo.
Suno kay Baronda nga ini nga hagna iya ginduso bilang pagtuman sang iya ginpangako sa tion sang kampanya nga makabenepisyo indi lamang sa mga taga-siyudad sang Iloilo kundi sa bug-os nga Isla sang Panay.
