Halos ₱900-M nga balor sang cocaine, narecover sa nagkalainlain nga bahin sang pungsod

158

Naglab-ot na sa P872 milyon ang balor sang mga na-recover nga cocaine halin sa nagkalainlain nga bahin sang pungsod subong nga bulan.

Suno kay Philippine National Police (PNP) Spokesperson Senior Superintendent Bernard Banac, naglab-ot na sa masobra 164 ka kilo sang cocaine ang narecover halin February 10.

Dugang pa niya nga ginakonsidera sang PNP nga pamahog sa seguridad sang pungsod ang pagka-recover sa mga kinilo nga cocaine.

Ginpahayag ni Banac nga ginakonsidera man ini nga pagsakop sa pungsod bangud sa hilway nga pagpasulod sang iligal nga droga sa kadagatan sakop sang Pilipinas.

Nagapadayon ang koordinasyon sang PNP sa Philippine Navy kag Philippine Coast Guard (PCG) para makaangkon sang konkreto nga plano agud mahibaluan ang ginhalinan sang mga cocaine.

(photo credit to the owner)

Facebook Comments