Halos 80 ka indibidwal sa lungsod sa Kibawe, mihikling tungod matud pa sa pagpangharas sa mga NPA

Bukidnon – Nibakwit ngadto sa Municipal Hall Compound ang halos 80 ka residente nga apektado sa gihimong pagpang-harrass sa rebeldeng New People’s Army sa Brgy. Cagawasan, lungsod sa Kibawe, Bukidnon.

Matud sa PNP-Kibawe nga gi-harrass sa mga rebelde ang chief tanod sa maong barangay.

Muabot matud pa sa 77 ka indibidwal gikan sa 26 na pamilyang residente sa Brgy. Cagawasan ang gibilin ang ilang mga pinuy-anan ug mibakwit tungod sa kahadlok sa hulga sa NPA.


Gibaharan matud pa sila sa mga nagpatoong rebelde nga magpadayon ang ilang pagpang-harass kung makakita sila ug presensiya sa pulis ug sundalo sa ilang lugar butang nga gikahadlok sa mga residente.

Hisayrang giingong dili mosugot ang mga NPA nga sudlan sa mga sundalo ang maong lugar.

Facebook Comments