Halos 900 job seekers, nidagsa sa Radyo Trabaho Job fair sa Cagayan de Oro

26
PC: Engr. Edward Bautista

Halos 900 ka mga job seekers ang nidagsa sa gihimong Radyo Trabaho “Giya sa Panginabuhi” Mega Job Fair sa dxCC-RMN Cagayan de Oro kagahapon sa Centrio Ayala Mall.

 

Busa dako ang pasalamat ni RMN Cagayan de Oro Station Manager Rey Maraunay sa tanang mga nitambong sa maong aktibidad nga gisuportahan sa Public Employment Services Office sa lokal nga kagamhanan sa Cagayan de Oro ug Department of Labor and Employment Region 10.


 

Gipahibalo usab ni Manager Maraunay sa tanan nga sugod sa Lunes madunggan na ang Radyo Trabaho Giya sa Panginabuhi program sa alas 4:30 hangtud alas 5:30 sa hapon, Lunes hangtud Biyernes sa dxCC-RMN.

 

Samtang, gidayeg usab ni RMN VP for Content Marketing Erika Canoy-Sanchez ang malapuson nga grand launching sa Radyo Trabaho ug Job Fair nga himoobn usab sa RMN Malaybalay, RMN Iligan ug RMN Butuan sa mosunod nga mga bulan.

Facebook Comments