Halos P450M nga kantidad sa drogang shabu, nakompiska sa kapulisan sa entiro Rehiyon-X sugod 2016

24
Gikabutyag karon sa Police Regional Office (PRO)-10 nga mukabat na sa halos P450M ang kantidad sa drogang shabu nga nakompiska sa mga kapulisan pagsugod sa “War on Drugs” adtong 2016 hangtud bulan sa Mayo, ning tuiga.

Sa interview sa RMN Malaybalay ngadto kang PLTCOL. Michelle Olaivar, PNP-10 Spokesperson, gibutyag niya nga kutob sa katapusan sa Mayo ning tuiga, anaa na sa halos P450M ang kantidad sa mga drogang shabu nga nakompiska sa kapulisan sa Rehiyon sa mga operasyong gipahigayon batok sa illegal nga droga.

Dugang pa niya nga muabot usab sa kapin 12,600 ang mga operasyong napahigayon kabahin niini.

Padayon gihapon sumala pa ang kapulisan sa pag-operar bisan paman nga pahumanay na ang termino ni Presidente Rodrigo Duterte.

Kini aron nga masiguro ang pagkahipos sa mga drug personalities nga padayon gihapong nalambigit sa illegal nga droga.

Panghangyo ni Olaivar ngadto sa katawhan nga padayong musuporta sa kampanya sa gobyerno ug sa kapulisan batok sa illegal nga droga aron nga magpabilin ang kalinaw ug kahusay sa komunidad.

Facebook Comments