Hanging bridge nahugmak, lima tawo nahulog

31

Himala nga nakalingkawas sa kamatayon ang lima ka tawo sa nahugmak nga tulay ilang gi-agian sa Sitio Datal-Alah, Lake Sebu, South Cotabato.

Nahulog sila sa sapa apan nakalangoy paingon sa pangpang og dayong nakaluwas.


Sumala sa report sa usa ka Dino Daham Jr. nga taga Sitio Datal-Alah, ang mga nakaluwas parehong trabahante sa usa ka pineapple plantation company nga bag-o lang migikan sa trabaho.

Gibutyag niini nga nahugno ang hanging bridge nga bahin sa Allah River gumikan sa kusog nga bul-og sa tubig.

Gipahayag usab ni Daham nga wala ginalauman sa mga residente ang kalit nga pagsaka sa tubig sa sapa tungod kay dili kusog ang ulan sa lugar.

Dugang niini nga tungod sa pagkaguba sa tulay ang mga residenteng mosulod sa Sitio Datal-Alah moagi pa sa mas layong Barangay Veterans sa Surallah bag-o maka-abot sa ilahang barangay.




Gipahinumduman usab sa lokal nga panggamhanan sa Lake Sebu ang mga residente nga dili na pugson ang pagtabok sa sapa kung kusog ang bul-og sa tubig aron likay sa aksidente.

Matod usab sa Lake Sebu Municipal Disaster Risk Reduction and Management Officer Roberto Bagong, nga nag-padala na sila og Barangay Peacekeeping Action sa sapa aron masigurong walay mamugos nga motabok sa sapa.

Butyag ni Bagong nga nag-inusarang short cut lang kini padulong sa kasikbit nga munisipyo sa T’boli.
CTTO : Dino Daham Jr.
For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 125496914_2561658557457611_6875759212339295017_n.jpg]

Facebook Comments